|
|
| |
|
 |
| |
|
|
Prizioù rannvroel dazont ar brezhoneg aozet evit ar c’hwec’hvet gwezh.
Gant ar genstrivadeg-se, unan eus emgavioù bras an Ofis gant ar vrezhonegerien, e klasker garedoniñ obererezhioù brav a zegas brud d’ar brezhoneg.
Evit ar c’hwec’hvet gwezh e vo aozet Prizioù rannvroel dazont ar brezhoneg gant Ofis ar Brezhoneg, diwar c’houlenn Kuzul-rannvro Breizh.
Pal ar prizioù eo brudañ oberoù nevez ha dreistordinal savet gant an dud a-benn kas ar brezhoneg war-raok er vuhez pemdeziek.
Tri rummad a zo kinniget d’ar genstriverien : hiniennoù, kevredigezhioù, embregerezhioù ha 9 friz a zo kinniget d’al loreidi. E pep hini eus an tri rummad ez a 2000 € gant an hini kentañ, 1000 € gant an eil ha 500 € gant an trede.
Dilennidi eus ar C’huzul-rannvro hag izili eus Ofis ar Brezhoneg a ya d’ober bodad-barn ar genstrivadeg.
Adalek bremañ e c’heller pellgargañ reolenn ar genstrivadeg hag ar fichennoù enskrivañ dre rummad. Brudit ar c’heloù-man tro-dro deoc’h mar plij, e-touez ar vrezhonegerien zo en-dro deoc’h, en ho micher, pe en ho kevredigezh. Hag arabat kaout aon d’en em ginnig hoc’h-unan a-benn brudañ ar pezh a rit ha reiñ mennozhioù (mat) d’an holl vrezhonegerien !
Degemeret e vo an teuliadoù enskrivadurioù betek an 30 a viz Ebrel 2007.
|
|
|
|
