|
|
|
![](/media/md01.gif) |
|
![](/upload/actualite/photo/119photo.gif)
|
|
Sinadur ar garta “Ya d’ar brezhoneg” gant kumun Skaer
Er sal nevez “Youenn Gwernig”, anvet diwar ar c’haner hag ar skrivagner brudet, eo bet aozet al lid-sinań dirak dilennidi, annezidi eus ar gumun ha tud kar o yezh.
An Itron Jeanne-Yvonne Triché, maerez ha kuzulierez-departamant, he deus sinet engouestl he c’humun dirak an Itron Lena Louarn, prezidantez Ofis ar Brezhoneg, d’ar Gwener 13 a viz Ebrel, a-benn tapout label live 1 ar garta Ya d’ar brezhoneg dindan 2 vloaz.
6 ober a zo bet dibabet gant ar C’huzul-kęr : staliań panelloů divyezhek evit mont e-barzh ha mont e-maez ar gumun; sevel kartennoů-pediń en div yezh evit an abadennoů sevenadurel aozet gant an ti-kęr; moullań paperoů talbennet en div yezh ; skrivań ar pennad-stur e brezhoneg er c'hannadig-kęr ; kemer perzh er c'houlzad bloaziek da gas war-raok ar c'helenn brezhoneg d'an oadourien ; aozań un enklask da c’houzout piv a oar brezhoneg e-touez an implijidi.
En he frezegenn he deus meneget Lena Louarn an hentad divyezhek er skol publik ma kaver ouzhpenn 10% eus ar vugale skoliataet er gumun. Gant ar sifr brav-se e weler sklaer pegen pouezus eo diorren un endro divyezhek evit ar vugale.
Displeget he deus ivez e veze degemeret abaoe 30 vloaz gant kumun Skaer ar staj dre soubidigezh hollvrudet “Kamp Etrekeltiek ar vrezhonegerien” a zo bet darempredet gant miliadoů a zeskerien. An Itron Anna ar Beg, e karg eus ar c’hamp abaoe pell, a oa eno gant un toullad stajidi gozh deuet da vezań brezhonegerien dibaoe a-drugarez ar gevredigezh-se.
|
|
|
|