|
|
|
![](/media/md01.gif) |
|
![](/upload/actualite/photo/190photo.gif)
|
|
An embregerezh kentañ o resev al label Ya d’ar brezhoneg e Penn-ar-Bed: Ouestélio
Degemeret eo bet gant an embregerezh Ouestélio, bet meret e-pad bloavezhioù gant Andrev Lavanant ha renet gant Steven Guéguéniat hiziviken, label live 1 an emglev Ya d’ar Brezhoneg d’ar Gwener 25 a viz Ebrel evit 8 ober kaset da benn evit ar brezhoneg.
Gant Ouestélio, embregerezh liestennañ, eo bet lakaet ar brezhoneg da vezañ ostilh ar vuhez pemdez. Ur plas a zo bet kavet aes evitañ e mont en-dro an embregerezh hag er skoroù brudañ implijet. Kartennoù-bizit, plakennoù eurioù-digor ar stal a zo divyezhek. Kemennadenn ar responterez ha sielloù ar stal a zo divyezhek koulz hag ar c’hirri implijet ganti.
Mod-all, divyezhek eo lec’hienn genrouedad an embregerezh a gaver enni an holl ditouroù a denn d’ar mont en-dro.
Gant skipailh ar renerezh ez eus bet lakaet war ar stern oberoù fetis all a vo talvoudekaet a-benn un nebeud mizioù (paper-lizher, logo, panellerezh ar framm, plaketenn vrudañ).
Gant ar pal sevel ur skipailh brezhonegerien stummet war micherioù al liestennañ hag an embann e vez goulennet en un doare sistematek e kemennoù-labour Ouestélio tud o komz brezhoneg. Lakaet eo bet an intrudu-mañ da « ober dibar » en argerzh labelaat an embregerezh.
http://www.ouestelio.fr/
|
|
|
|