|
|
| |
|
 |
| |
|
|
Gant Kombrid, er Vro Vidoudenn, eo bet sinet ar garta Ya d’ar brezhoneg
Ur gumun ouzhpenn he deus sinet er Vro Vigoudenn bremañ : goude ar Gelveneg, Purid, Ploveur, Plozeved, Pont-’n-Abad ha Sant-Yann-Drolimon, kumun Kombrid he doa divizet, d’an 20 a viz Mezheven, labourat evit kas ar brezhoneg war-raok war he zachenn.
Gant an Ao. Jean-Claude Dupré, ar maer, hag an It. Lena Louarn, prezidantez Ofis ar Brezhoneg, eo bet sinet ar garta gant ar c’hoant da vont war-raok buan.
5 ober zo bet dibabet da vezañ kaset da benn vat dindan bloaz evit tizhout al label live 1.
Lakaet e vo panelloù divyezhek war an holl hentoù da vont tre ha mont e-maez ar gumun. Embannet e vo kartennoù-bizit divyezhek evit an dilennidi hag evit implijidi an ti-kêr. Moullet e vo paper-talbennet ha krouet e vo ul logo divyezhek. Ouzhpenn-se e kemero perzh an ti-kêr e koulzad brudañ ar c’helenn brezhoneg d’an dud deuet.
Peadra a vo da labourat e-pad bloaz evit kaout al label 1. Embannet eo bet splann diouzhtu gant an Ao. Dupré e felle dezhañ ha d’e guzul-kêr mont pelloc’h kerkent ha graet ar c’hammed kentañ-se.
|
|
|
|
