|
|
| |
|
 |
| |
|
|
Roazhon er penn a-raok
Alies eo bet Roazhon er penn a-raok evit ar pezh a sell ouzh ar brezhoneg ha kendelcher a ra ar wezh-mań choazh : sinet eo bet ar garta Ya dar brezhoneg gant skol-veur Roazhon 2 dar Gwener 28 a viz Du.
Dirak M. Gontard, prezidant Roazhon 2 ha kuzul-merań ar skol-veur, an It. Louarn, prezidantez an Ofis ha Per denez, bet rener rann ar c'heltieg e-pad 20 vloaz, eo deuet Roazhon da vezań skol-veur gentań Breizh o vont gant an hent-se.
Kozh eo an istor etre ar brezhoneg ha skol-veur Roazhon bremań. Kelennet e vez brezhoneg abaoe 1880. Klok eo kursus ar studioł brezhoneg ha deuet eo ar brezhoneg da vezań an trede yezh studiet ar muiań a-raok an italianeg, ar sinaeg hag an alamaneg.
Niverus eo an dud a laka ar yezh da vevań e Roazhon 2, kelennerien ar gevrenn geltiek da gentań-penn. Pouezus-meurbet eo roll ar skol-veur evit kelenn ar brezhoneg dan dud yaouank, stummań brezhonegerien ampart nevez hag ivez skolaerien ha kelennerien zo ezhomm bras anezho evit kenderchel da ziorren an hentadoł divyezhek.
Un dachenn all zo da vezań boulchet, hini ar stummadurioł e brezhoneg a-benn kinnig dan dud yaouank a zeu er-maez eus an hentadoł divyezhek an tu da genderchel gant o stummadur en ur virout ar brezhoneg evel yezh kelenn.
Oberoł liesseurt a zo bet kaset da benn dija gant ar skol-veur (panellerezh, kartennoł-bizit, deiziataer...). Sinań Ya dar brezhoneg a roio an tu da vont pelloch choazh ha pouezus eo rak ur yezh vev a rank bezań gwelet en hech endro.
|
|
|
|
