|
|
|
![](/media/md01.gif) |
|
![](/upload/actualite/photo/27photo.gif)
|
|
Emvod kelaouiñ “Mizvezh al levrioù”
Lenn ? Ur blijadur ! : ur mizvezh evit lakaat an dud da zizoleiñ al levrioù e brezhoneg
D’an 30 a viz Gwengolo da 11 eur e klub ar gazetennerien e Roazhon e vo kinniget un emvod kelaouiñ diwar-benn koulzad “Mizvezh al levrioù”.
Abaoe un toullad bloavezhioù e vez klasket, dre genlabour Coop Breizh, Kuzul Rannvroel al Levrioù hag Ofis ar Brezhoneg, sachañ evezh al lennerien war an embann e brezhoneg. Lennegezh evit an dud deuet hag ar grennarded, bandoù treset, romantoù evit ar vugale, hentennoù deskiñ brezhoneg, levrioù istor... : a bep seurt a gaver er stalioù hag el levraouegoù. E-pad miz Here an dud a vicher a vo laouen da guzuliañ al lennerien a-benn ma teufe da wir lugan ar c’houlzad.
Evit gouzout hiroc’h, KRLB : 02 98 10 22 16
|
|
|
|