|
|
| |
|
 |
| |
|
|
Al label “Ya 1” roet da Blougastell. Sinadur ar garta “Ya d'ar brezhoneg”, live 2.
Roet eo bet al label “Ya d'ar brezhoneg” live 1 da Dominique Cap, maer Plougastell-Daoulaz, gant Lena Louarn, prezidantez Ofis ar Brezhoneg, d'ar Gwener 21 a viz Ebrel 2006 e sal kuzulioù-kêr ar gumun.
Ur gumun oberiant abaoe pell ’zo eo Plougastell-Daoulaz, evit diorren implij ar brezhoneg er vuhez foran.
Kalz a labour a zo bet graet dija evit kas war-raok an divyezhegezh er skolioù da skouer. Bev-mat eo an daou hentad a gaver er gumun, Div Yezh (deskadurezh publik) ha Dihun (skolioù prevez), ha kalzig a vugale a vez skoliataet enno (114 er skol bublik, 147 er skol brevez – sifroù distro-skol 2005).
Se a zo kaoz ez eus bet divizet gant Ofis ar Brezhoneg reiñ da gumun Plougastell-Daoulaz an testeniekadur “Ya d’ar brezhoneg” live 1 evit kregiñ ganti ha kensinañ, war un dro, ar garta Ya d’ar brezhoneg, dezhi da dapout al label live 2 a-benn 2 vloaz.
An oberoù bet dibabet gant ar C'huzul-kêr a sell ouzh an divyezhegezh war kartennoù-bizit dilennidi pe implijidi ar gumun, war ar pedadennoù kaset d'an dud da-geñver gouelioù pe darvoudoù all, pe c'hoazh embann ingal pennadoù divyezhek e kelaouenn an ti-kêr. |
|
|
|
