|
|
| |
|
 |
| |
|
|
Emvod meur kevredigezh Maered Penn-ar-Bed e Kastellin d’ar Gwener 15 a viz Gwengolo 2006
Abaoe meur a vloaz, diwar c’houlenn an Ao. Caradec, prezidant ar gevredigezh, e teu an Ofis da emvod meur an AMF evel keveler ofisiel.
E brezhoneg eo bet degemeret an dud gant an Ao. René Fily, maer Sant-Martin-war-ar-Maez, sekretour an AMF ha prezidant kreizenn-verañ Penn-ar-bed. Deuet e oa neuze maered, prezidanted DFKE (Diazezadur foran a genlabour etrekumunel), ha tud e-karg en departamant.
Kinniget eo bet budjed Rannvro Breizh evit “ar gevrat kefridi” (a vo lakaet e plas ar gevrat steuñv Stad-Rannvro) gant an Ao. Gonthier Friederici, prefed Penn-ar-Bed : 520 milion a euroioù a vo roet. Krouet e vo ivez daou “gendivizad dibar”, hervez an termenoù implijet gantañ, unan anezho diwar-benn ar yezh hag ar sevenadur breizhat. Meret e vo gant 4 ministrerezh, ministrerezh an Deskadurezh Stad hag hini ar Sevenadur en o zouez.
Renerien an Ofis, framm anavezet mat bremañ e gefridioù gant ul lodenn vat a zilennidi, o deus gellet komz gant tud e karg ar strollegezhioù lec’hel hag en o zouez, maered o deus sinet ar garta Ya d’ar brezhoneg.
|
|
|
|
