|
|
| |
|
 |
| |
|
|
Kavout ul labour e brezhoneg ? Kit war lec’hienn an Ofis.
Ur benveg talvoudus hag un hanterour efedus evit kavout labour
Lec’hienn genrouedad Ofis ar Brezhoneg a ginnig, war bajenn ar “C’heleier”, ur rubrikenn “kinnig labour”. Postoù liesseurt a gaver enni. Meur a embregerezh o deus goulennet skoazell diganimp c’hoazh a-benn kavout ur magazenner, un deskard war ar c’hereerezh, ur gwazour kenwerzh pe ur ... c’homedian zoken.
Ne vez degemeret nemet ar c’hemennoù labour a embann sklaer ez eo ret gouzout brezhoneg evit kaout ar post.
Abaoe m’eo bet digoret lec’hienn nevez Ofis ar Brezhoneg ez eus bet lakaet enlinenn un hanter-kant bennak a ginnigoù labour. Un implijad a zo bet kavet evit pep hini anezho (evit ar prantad Gouere 2005 – Eost 2006) hag an holl dud-se a oa brezhonegerien nemet daou anezho.
An holl embregerezhioù, strollegezhioù lec’hel, kevredigezhioù a zo o klask brezhonegerien a c’hell kas o c’hinnigoù labour dimp. Dizale e vint lakaet en linenn hag e chomint war wel e-pad daou viz.
|
|
|
|
