|
|
|
![](/media/md01.gif) |
|
![](/upload/actualite/photo/126photo.gif)
|
|
Ur staj e brezhoneg kinniget en ur stal siner an emglev Ya d’ar brezhoneg
Keveler e vo ar varaerezh Bara Bio eus Kervegen en Erge-Vras gant kevredigezh Mervent, ur gevredigezh staliet e Ploneour-Lanwern a ginnig kentelioù brezhoneg d’ar vugale ha d’an dud deuet e bro Gerne, evit kas da benn un devezh tañva d’ober bara … e brezhoneg.
E 3 lodenn e vo rannet an devezh : desket e vo da gentañ an holl edajoù a implijer d’ober bara ha penaos sevel bara, dizoloet e vo war-lerc’h ar vilinerezh hag e dibenn an devezh e vo desket kanaouennoù ha troioù-lavar liammet gant bed ar varaerien hag ar bara.
D’ar Sadorn 2 a viz Mezheven a vo aozet ar staj dibar-mañ. Digor eo d’an holl vrezhoneregien ha d’an dud a zo o teskiñ ar yezh. Ur c’helenner eus Mervent ha Youenn Legall, baraer brezhoneger, a gaso ar staj da benn.
Evit gouzout hiroc’h ha lakaat e anv : pellgargañ ar fichennaoueg pdf stag.
Lec’hienn Bara Bio (lec’hienn divyezhek brezhoneg-galleg) : http://www.barabio.fr/
|
|
|
|